Overdraft
Overdraft
တစ်ဦးတည်းပိုင်းလုပ်ငန်းလုပ်ကိုင်သူများအနေဖြင့် မိမိတို့၏ လုပ်ငန်းများဆက်လက်ချဲ့ထွင် ဆောင်ရွက် နိုင်ရန်၊ လုပ်ငန်းများတိုးတက်အောင်မြင်စေရန်နှင့် လုပ်ငန်းအရင်းအနှီးများကို တိုးပွားလာစေရန်အတွက် ကမ္ဘောဇဘဏ်လီမိတက်တွင် ချေးငွေစာရင်းဖွင့်လှစ်၍ ဆောင်ရွက်နိုင်ပါသည်။
ချေးငွေသက်တမ်း
- ၁ နှစ်
- (ချေးငွေသက်တမ်းတိုးအား ပြန်လည်လျှောက်ထား
နိုင်ပါသည်။)
အတိုးနှုန်း
- ၁၁.၅ % (တစ်နှစ်)
ချေးငွေလျှောက်ထားရန်အတွက် လိုအပ်သည့်အချက်အလက်များ
လုပ်ငန်းနှင့် ပတ်သက်၍
- သက်တမ်းရှိလုပ်ငန်းလိုင်စင် (လုပ်ငန်းအမျိုးအစားပေါ်မူတည်၍ သက်ဆိုင်ရာဌာနမှ ထုတ်ပေးသည့်လိုင်စင်၊ စက်မှုလုပ်ငန်းဖြစ် ပါက ပုဂ္ဂလိကစက်မှုလုပ်ငန်းမှတ်ပုံတင်လက်မှတ်တင်ပြရမည်)
- ဘဏ္ဍာရေးရှင်းတမ်းများ (အနီးစပ်ဆုံး ဘဏ္ဍာရေးနှစ်အပါအဝင် ၃ နှစ်စာ တင်ပြရပါမည်)၊ ကျပ်သိန်း (၁၀၀)နှစ်အထက်ချေးငွေ လျှောက်ထားလျှင် CPA မှ တံဆိပ်တုံးရိုက်နှိပ်လက်မှတ်ရေးထိုး အတည်ပြုပေးရပါမည်။
- အခွန်ပြေစာများ (အနီးစပ်ဆုံးဘဏ္ဍာရေးနှစ်အပါအဝင် ၃ နှစ်စာ တင်ပြရမည်)
- လုပ်ငန်းဓာတ်ပုံများ (လုပ်ငန်းလည်ပတ်လုပ်ကိုင်နေပုံများ၊ ကုန်တင်ကုန်ချ၊ ထုပ်ပိုးနေပုံများ၊ ကုန်ချောဓာတ်ပုံများ) ၁ကွက်လျှင် ၂ပုံစီဖြင့် အနည်းဆုံး ၆ကွက်အတွက် ၁၂ ပုံ တင်ပြရမည်။ လုပ်ငန်းအပါ်မူတည်၍ ဓာတ်ပုံများတင်ပြရပါမည်။
လျှောက်ထားသူများနှင့် ပတ်သက်၍
- မှတ်ပုံတင်မိတ္တူများCopy of National ID
- အိမ်ထောင်စုစာရင်းမိတ္တူများ
- ရ-ယ-က မှ ၄င်းရပ်ကွက်နေအိမ်တွင် နေထိုင်ကြောင်း ထောက်ခံချက် (အာမခံတင်သောနေအိမ်တွင် နေထိုင်ပါက နေထိုင်ကြောင်း ရ-ယ-က ထောက်ခံချက်)
- အိမ်ထောင်မရှိသူဖြစ်ပါက လူပျို/အပျိုဖြစ်ကြောင်း ရ-ယ-က ထောက်ခံချက်
- ခင်ပွန်း/ဇနီးကွယ်လွန်ခဲ့ပါက နောက်အိမ်ထောင်မပြုကြောင်း ရ-ယ-က ထောက်ခံချက်
(မှတ်ချက်။ ။ မိတ္တူ(၂)စုံစီပြုစု၍ လျှောက်ထားသူတစ်ဦးမှ လက်မှတ်ရေးထိုးတင်ပြရပါမည်။)
အာမခံပစ္စည်းနှင့် ပတ်သက်၍
- မြေပိုင်ဆိုင်မှုနှင့် ပတ်သက်သောဂရန်၊ မှတ်ပုံတင်စာချုပ်နှင့် ဆက်စပ်စာချုပ်များ
- မြေပုံ၊ မြေရာဇဝင်၊ မြေစာရင်းပုံစံ ၁၀၅ နှင့် ၁၀၆ (ဘဏ်ချေးငွေအကြောင်းပြချက်ဖြင့် ၆ လ အတွင်း ထုတ်ယူထားခြင်းဖြစ်ရပါမည်)
- အိမ်အဆောက်အဦ ဓါတ်ပုံများ (ရှေ့၊ နောက်၊ ဘေး၊ ၀ဲ၊ ယာ၊ အတွင်းပုံ၊ အထပ်လိုက်ပုံများ) ၁ကွက်လျှင် ၃ပုံစီရိုက်ပေးရပါမည်။
- အဆောက်အဦမှာ အသစ်ဆောက်လုပ်ပြီးဖြစ်ပါက အဆောက်အဦဆောက်လုပ်ပြီးစီးကြောင်း သက်သေခံလက်မှတ် (B.C.C) တင်ပြရပါမည်။
ကမ္ဘောဇဘဏ်မှ လက်ခံသည့် အာမခံပစ္စည်းအမျိုးအစားများမှာ
- မရွှေ့မပြောင်းနိုင်သောပစ္စည်းများ
- အစိုးရအာမခံငွေတိုက်စာချုပ်
- စက်ပစ္စည်းများ
- စာရင်းသေအပ်ငွေစာရင်းစာအုပ် (သို့မဟုတ်) ငွေစုဘဏ်စာရင်းစာအုပ်
- ကောက်ပဲသီးနှံ (သို့မဟုတ်) ကုန်စည်ပစ္စည်းများ
- ရွှေနှင့် ရွှေထည်ပစ္စည်းများ
- အစုရှယ်ယာများ