ကိုရီးယားနဲ့ထိုင်းမှ ချစ်ခင်ရသူတွေရဲ့ မေတ္တာဖြင့်လွှဲပို့ငွေများကို ကမ္ဘောဇဘဏ်စာရင်း နဲ့ KBZPay မှာ လက်ခံကာ ဆုငွေလက်ဆောင်များ ကံစမ်းနိုင်မယ့် အခွင့်အရေးတစ်ခုနဲ့ မိတ်ဆက်ပေးမှာဖြစ်ပါတယ်။
ကိုရီးယားနိုင်ငံရှိ KEB Hana Bank (Hana EZ Mobile Application) မှ ၃၀၀,၀၀၀ကျပ် နှင့်အထက် လွှဲပို့ငွေ (သို့မဟုတ်) ထိုင်းနိုင်ငံရှိ Kasikorn Bank (K PLUS Mobile Application) မှ ၁၅၀,၀၀၀ကျပ် နှင့်အထက် လွှဲပို့ငွေတွေကို KBZ Bank Account (သို့) KBZPay မှာ လက်ခံလိုက်တာနဲ့ ဆုငွေလက်ဆောင်ကံစမ်းခွင့် (၁) ကြိမ်စီ ရရှိမှာဖြစ်ပါတယ်။
၂၀၂၄ ခုနှစ် စက်တင်ဘာလ (၉) ရက်နေ့မှစတင်ကာ (၁၄) ရက်ပြည့်တိုင်း တစ်ကြိမ် ကံထူးရှင် အယောက် (၄၀) ကိုရွေးချယ်ကာ ဆုလက်ဆောင်များ ပေးသွားမှာဖြစ်ပါတယ်။ ၂၀၂၄ ခုနှစ် နိုဝင်ဘာလ (၃) ရက်နေ့ အစီအစဥ်ပြီးဆုံးသည်အထိ စုစုပေါင်း (၄) ကြိမ် ကံထူးရှင်များကို ရွေးချယ်ပေးသွားမှာဖြစ်ပြီး စုစုပေါင်း ကံထူးရှင် အယောက် (၁၆၀) ထွက်ပေါ်လာမှာဖြစ်ပါတယ်။
ဆုငွေလက်ဆောင်တွေကတော့ အများဆုံး ၁၀၀,၀၀၀ကျပ် မှ ၁၅,၀၀၀ကျပ် အထိဖြစ်ပြီး ဆုငွေပမာဏနဲ့ အရေအတွက် အတိအကျကို စည်းမျဥ်းစည်းကမ်း သတ်မှတ်ချက်များမှာ ကြည့်နိုင်ပါတယ်။