KBZ mBanking ဆိုတာ ဘာလဲ။
KBZ mBanking ဆိုသည်မှာ သင့်ငွေကြေးကို အချိန်နေရာမရွေး အလွယ်တကူစီမံခန့်ခွဲနိုင်သော Mobile Banking application တစ်ခုဖြစ်ပါသည်။
ငွေလွှဲခြင်း ၊ ကတ်များကို စီမံခန့်ခွဲခြင်း ၊ ငွေဖြည့်ခြင်း ၊ ဘီလ်ပေးဆောင်ခြင်း ၊ ဖျော်ဖြေရေး Gift Card များ၀ယ်ယူနိုင်ခြင်း စသည်တို့ကို Application ထဲတွင် လွယ်ကူစွာ ပြုလုပ်နိုင်မည်ဖြစ်ပါသည်။
KBZ mBanking အကောင့်မရှိသေးပါက KBZ Bank Account (သို့) ATM Card ရှိရုံဖြင့် online မှတစ်ဆင့် Self-registration ပြုလုပ်နိုင်သလို နီးစပ်ရာ ဘဏ်ခွဲများသို့လည်း သွားရောက်လျှောက်ထားနိုင်ပါသည်။
KBZ mBanking Features
အခြားပြည်တွင်းဘဏ်သို့ငွေလွှဲရန် (ဘဏ်လုပ်ငန်းချိန်အတွင်း)
အခြားပြည်တွင်းဘဏ်သို့ ငွေလွှဲရန် (ဘဏ်လုပ်ငန်းချိန်အတွင်း) ဝန်ဆောင်မှုဆိုသည်မှာ သတ်မှတ်ထားသော ဘဏ်လုပ်ငန်းချိန်အတွင်း အခြားပြည်တွင်းမိတ်ဖက်ဘဏ်များသို့ နံနက် ၉:၃၀ မှ ၃:၀၀ နာရီအတွင်း အွန်လိုင်းမှတဆင့် ငွေလွှဲပြောင်းနိုင်သော ဝန်ဆောင်မှုဖြစ်ပါသည်။
ငွေလွှဲမည်ဆိုပါက အောက်ဖော်ပြပါအချက်များ ဖြည့်စွက်ရန်လိုအပ်ပါသည်။
- KBZ m/iBanking ထဲရှိ အခြားပြည်တွင်းဘဏ်သို့ ငွေလွှဲရန် (ဘဏ်လုပ်ငန်းချိန်အတွင်း) ကို ရွေးချယ်
- မိမိငွေလွှဲပို့လိုတဲ့ အခြားပြည်တွင်းဘဏ်ကိုရွေး
- ငွေလွှဲမည့်ဘဏ်ခွဲ
- ငွေလွှဲမည့်ဘဏ်အကောင့်
- ငွေလက်ခံမည့်သူ၏ အမည်
- ငွေလက်ခံမည့်သူ၏ ဖုန်းနံပါတ်
- ငွေလွှဲမည့်ပမာဏ
- ငွေလွှဲနှုန်းထားသိရှိစေရန် “ Calculate Charges” အားနှိပ်ရန်
- ငွေလွှဲခြင်း၏ ရည်ရွယ်ချက် စသည်တို့ကို ရိုက်ထည့်ပြီးလျှင် ငွေလွှဲလို့ရပါပြီ။
ပြည်တွင်းဘဏ်အချင်းချင်းငွေလွှဲဝန်ဆောင်မှု
ပြည်တွင်းဘဏ်အချင်းချင်းငွေလွှဲဝန်ဆောင်မှု ဆိုသည်မှာ ကမ္ဘောဇဘဏ်အကောင့်မှ အခြားဘဏ်အကောင့်များသို့ အွန်လိုင်းမှတစ်ဆင့် တိုက်ရိုက်ငွေလွှဲပြောင်းနိုင်သော ငွေလွှဲဝန်ဆောင်မှုတစ်ခုဖြစ်ပါသည်။
ပြည်တွင်းဘဏ်အချင်းချင်းငွေလွှဲဝန်ဆောင်မှုကိုအသုံးပြုပြီး ငွေလွှဲပေးပို့နိုင်မယ့် ကမ္ဘောဇဘဏ်ရဲ့မိတ်ဖက်ဘဏ်များကတော့-
- United Amara Bank
- A Bank
- Rural Development Bank
- KB Bank
- Yoma Bank
- AYA Bank
- CB Bank
- Myanma Tourism Bank
- Myanmar Apex Bankတို့ဖြစ်ပါသည်။
ကိုယ်ပိုင်အကောင့်ငွေလွှဲ
KBZ Bank အကောင့်တစ်ခုထက်ပိုရှိသော (Current Account, Savings Account and USD account အစရှိသဖြင့်) customer များအတွက် အထူးဝန်ဆောင်တစ်ခုဖြစ်ပြီး ဝန်ဆောင်ခပေးစရာမလိုဘဲ အကောင့်တစ်ခုမှအခြားတစ်ခုသို့ လွယ်ကူလျင်မြန်စွာ ငွေလွှဲပြောင်းစေနိုင်မည်ဖြစ်သည်။
KBZ ဘဏ်အချင်းချင်းငွေလွှဲ
မိမိရဲ့ KBZ ဘဏ်အကောင့်မှ အခြားKBZ ဘဏ်အကောင့်သို့ လွယ်ကူလျင်မြန်စွာငွေလွှဲနိုင်မည်ဖြစ်ပြီး မိသားစုနဲ့မိတ်ဆွေများထံသို့ ငွေပမာဏအမြောက်အများပေးပို့ရန် အသင့်တော်ဆုံးဝန်ဆောင်မှုဖြစ်ပါသည်။
ကတ်မဲ့ငွေထုတ်ခြင်း
ကတ်မဲ့ငွေထုတ်ဝန်ဆောင်မှုကိုအသုံးပြုပြီး MPU ကတ်မပါဘဲ ATM စက်မှ ငွေထုတ်ယူနိုင်မည်ဖြစ်သည်။ mBanking အက်ပလီကေးရှင်းကိုအသုံးပြုပြီး ကိုယ်ပိုင်ငွေကို လုံခြုံစိတ်ချမြန်ဆန်စွာ ထုတ်ယူသုံးစွဲနိုင်မှာပဲဖြစ်ပါသည်။
မှတ်ပုံတင်ဖြင့်ငွေလွှဲ
KBZ ဘဏ်အကောင့်မရှိသူထံ ငွေလွှဲဖို့လိုနေပါသလား။ Remit2U မှတစ်ဆင့် ဘဏ်အကောင့်မရှိသူထံ မှတ်ပုံတင်ဖြင့်ငွေလွှဲပေးပို့နိုင်ပြီး ငွေလက်ခံသူမှ မည်သည့်ကမ္ဘောဇဘဏ်ခွဲတွင်မဆို လွယ်ကူလျင်မြန်စွာ ငွေထုတ်ယူနိုင်မှာဖြစ်ပါသည်။
ဖုန်းငွေဖြည့်ခြင်း နှင့် အင်တာနက်အစီအစဥ်များ
မည်သည့်တယ်လီဖုန်းအော်ပရေတာဆီကမဆို ဖုန်းဘေလ်နဲ့ဒေတာပက်ကေ့ချ်တွေကို ၂၄ နာရီ အချိန်မရွေး ဝယ်ယူနိုင်မယ့်အပြင် ဖုန်းနံပါတ် ၅ ခုအထိ သိမ်းဆည်းထားနိုင်မှာဖြစ်တဲ့အတွက် အချိန်မကုန်လူမပင်ပန်းဘဲ ဝယ်ယူနိုင်မှာဖြစ်ပါသည်။
ဘီလ်ပေးဆောင်ခြင်း
KBZ mBanking ရဲ့ Bill Payment ကတစ်ဆင့် လစဉ်ပေးဆောင်ရန်ရှိသော မီတာဘီလ်နဲ့ အင်တာနက်ဘီလ်များကို မိမိအိမ်၊ရုံးခန်းကနေ အချိန်မကုန်လူပင်ပန်းသက်သာစွာ ပေးဆောင်နိုင်မှာဖြစ်ပါသည်။ 5BB နဲ့ Telenor postpaid အင်တာနက်ဘီလ်များကိုသာမက ရန်ကုန်၊ မန္တလေး၊နေပြည်တော်၊ ဧရာဝတီတိုင်း၊ ကရင်ပြည်နယ်အစရှိတဲ့ ဒေသများအတွက် မီတာဘီလ်များကိုပါ ပေးဆောင်နိုင်ပြီဖြစ်တဲ့အတွက် လူကိုယ်တိုင် သွားရောက်တန်းစီစောင့်ဆိုင်းစရာမလိုဘဲ အချိန်ကုန်သက်သာစွာဖြင့် လစဉ်ဘီလ်များကို သတ်မှတ်ရက်အမီ ပေးဆောင်နိုင်မှာပဲဖြစ်ပါသည်။
QuickPay
ကမ္ဘောဇဘဏ်ရဲ့ QuickPay ဝန်ဆောင်မှုကိုလက်ခံအသုံးပြုနေသော ကုမ္ပဏီပေါင်း၅၀၀ ကျော်သို့ လစဉ်ငွေပေးချေမှု တိုက်ရိုက်ပြုလုပ်နိုင်တဲ့အတွက် လစဉ်ငွေပေးဆောင်မှုပျက်ကွက်စရာမလိုဘဲ အချိန်မရွေးပေးဆောင်နိုင်မှာပဲဖြစ်ပါသည်။
Gift Card
Mobile Legends, PUBG, iTunes, Netflix, Steam, Playstation, Nintendo, Viu, CookieTV, Ananda, Viber, easy Points, Rules of Survival နဲ့ Garena Shells အစရှိတဲ့ ဖျော်ဖြေရေးနဲ့ဂိမ်းတွေကို Gift Card မှတစ်ဆင့် အချိန်မရွေးဝယ်ယူနိုင်ပါသည်။
Prepaid Debit Cards
KBZ VISA/Master Prepaid cards တွေကို KBZ mBanking မှတစ်ဆင့် အလွယ်တကူ Register ပြုလုပ်ပြီး အချိန်မရွေး ငွေဖြည့်သွင်းနိုင်ရုံသာမက မိမိကတ်ရဲ့လုပ်ဆောင်ချက်တွေကိုပါ ပြန်လည်စစ်ဆေးနိုင်မည့် အလွယ်ကူဆုံးသော နည်းလမ်းတစ်ခုပဲဖြစ်ပါသည်။
Credit Cards
ကမ္ဘောဇဘဏ်၏ Online banking (mBanking/ iBanking) မှတစ်ဆင့် KBZ Visa Credit Card နှင့် UPI Credit Card များ၏ လစဉ်ငွေပေးချေမှုများကို အချိန်နှင့်တစ်ပြေးညီ လုပ်ဆောင်နိုင်မှာဖြစ်ပါသည်။ မိမိရဲ့ Credit Card ကိုအသုံးပြုမှု၊ ငွေပေးချေမှုတွေကို အလွယ်ကူဆုံးထိန်းချုပ်နိုင်မှာဖြစ်တဲ့အပြင် အချိန်နေရာမရွေး ငွေပေးချေမှုပုံစံမျိုးစုံနဲ့ ငွေပြန်လည်ပေးသွင်းနိုင်မှာပဲဖြစ်ပါသည်။
အားသာချက်များ
mBanking app အသုံးပြုတဲ့အခါ User ID နဲ့ password တို့ကို ခဏခဏ ရိုက်ထည့်စရာ မလိုဘဲ မျက်နှာ (သို့မဟုတ်) လက်ဗွေရာကို တစ်ကြိမ် register ပြုလုပ်ထားရုံဖြင့် လွယ်ကူစွာ login ဝင်ရောက်နိုင်ပါသည်။ လက်ဗွေရာစနစ်ကို iPhone နှင့် အချို့ Android ဖုန်းများတွင် အသုံးပြုနိုင်ပြီး Face login အား iPhone X နှင့် အထက်ဖုန်းများတွင် အသုံးပြုနိုင်ပါသည်။
အကျိုးကျေးဇူးများ
Biometric login စနစ်ပါရှိသောကြောင့် လျင်မြန်လွယ်ကူစွာ login ဝင်ရောက်နိုင်ပါသည်။ တစ်ကြိမ်နှိပ်ရုံ၊ မျက်နှာကို scan ဖတ်ရုံဖြင့် mobile banking သို့ login ဝင်ရောက်နိုင်ပါသည်။
ဘယ်လိုလျှောက်ထားမလဲ?
Login page တွင် ရှိသော “Fingerprint and FaceID” ကို နှိပ်၍ username နှင့် password ကို ရိုက်ထည့်ပြီးပါက တစ်ခါသုံး password (OTP) ရရှိပါမည်။ ရရှိလာသော တစ်ခါသုံး password (OTP) အား ရိုက်ထည့်ပြီး အောင်မြင်စွာဖြင့် register ပြုလုပ်နိုင်ပါသည်။
Auto OTP ဆိုသည်မှာ အတည်ပြုရန်အတွက် သင်အသုံးပြုနေသောဖုန်းသို့ ရောက်ရှိမည့် တစ်ခါသုံး password ဖြစ်ပါသည်။
ဘယ်လိုလျှောက်မလဲ?
Mobile Banking app သို့ login ဝင်ရောက်ပြီးပါက Auto OTP အကြောင်း ရှင်းပြသည့် page အား တွေ့ရှိနိုင်ပါသည်။အကယ်၍ “NOT NOW” button အား နှိပ်လိုက်ပါက တို page ပျောက်သွားမည်ဖြစ်ပြီး နောက်တစ်ကြိမ်app သို့ login ဝင်ရောက်ပါက ပြန်လည်ပေါ်လာပါမည်။ “NOT NOW” button အား ထပ်မံနှိပ်မိပါက သင်app သို့ ဝင်ရောက်သောအခါတွင် ထို page ပေါ်လာတော့မည် မဟုတ်ပါ။ Auto OTP အား register ပြုလုပ်လိုလျှင် login ဝင်ရောက်ပြီးနောက် ပေါ်လာသော page တွင် “I accept Terms and Conditions” ကို နှိပ်ပြီး “NEXT” ကို နှိပ်ပါ။ ထို့နောက် OTP နံပါတ်အား SMS မှတဆင့် ရရှိမည်ဖြစ်ပြီး ထို OTP အား ရိုက်နှိပ်လိုက်ရုံဖြင့် register ပြုလုပ်နိုင်ပါသည်။
Home page ရှိ “Account Overview” တွင် သွားရောက်၍ သင့်ဘဏ်အကောင့် အသေးစိတ်အချက်အလက်နှင့် အသုံးပြုမှု history အား ကြည့်ရှုနိုင်ပါသည်၊
သင့် mobile banking အကောင့် password အား မေ့သွားပါက Login page ရှိ “Forgot password” ကို နှိပ်ပြီး သင်ကိုယ်တိုင် password reset ပြုလုပ်နိုင်ပါသည်။
USD, EURO and Singapore dollar တို့၏ ငွေကြေးစျေးနှုန်းများကို အချိန်နှင့် တစ်ပြေးညီ လွယ်ကူစွာ စစ်ဆေးနိုင်ပြီး Foreign Exchange Calculator အသုံးပြု၍လည်း ငွေကြေးလဲလှယ်မှုနှုန်းကို တွက်ချက်နိုင်ပါသည်။
KBZ Mobile Banking မှ ပြုလုပ်နေသော promotion သတင်းများနဲ့ တခြားသော service announcements များကိုလည်း Push Notifications မှတစ်ဆင့် သိရှိနိုင်ပါသည်။
ATM Card ရှိရုံဖြင့် Mobile Banking account အား Online မှတစ်ဆင့်လျှောက်ထားနိုင်ပါသည်။
KBZ ATM ကတ်ဖြင့်လျှောက်ထားရန်
